بقلم : هشام درويش

كلمة وحدة اليوم باش تكون في شكل حكاية قصيرة ياسر …

حكاية صايرة وصحيحة وفي شكل نصيحة .. يحكيو على واحد شادد ثنية طويلة يسوق في كرهبتو ومعاه بقية عايلتو… في شطر الثنية.. غلبو التعب وصادو النوم ولى يحل في عينيه بالسيف … حل الشبابك …غسل وجهو ..قوا في صوت الراديو … وشي … النافع ربي …باقي غالبو النوم .. مشى لأقرب قهوة وقال للقهواجي راهو النوم غالبني والطريق مزال طويل.. نحب قهوة قوية على كيف كيفك تطيرالنوم باش انجم نكمل الثنية… قالو يا صاحبي رغم الي من مصلحتي نبيعلك قهوة اما سلامتك انت والي معاك اهم من مصلحتي… نقولهالك وبالتجربة… ما يطير النوم كان النوم ننصحك ترتاح تعمل غفية قصيرة توا تفيق في فورمة وتكمل ثنيتك..في الضمان والأمان جرب النصيحة وتفكرني… وانتوما زادا جربوها وتفكروني ونتقابلو في الكلمة الجاية من كلمة وحدة ..

Facebook Comments
FacebookTwitterGmailLinkedIn