قاعد واقف

كلمة وحدة يكتبهالكم هشام درويش
نهار وانا متعدي وسط الحومة والحال حال عشية صيف .
منين نتلفت ما نلقى كان الي قاعد يتقهوج
والي قاعد يشيش
والي قاعد يعمل في سويقر
والي قاعد يقيد في الاحوال
واللي قاعد قاعد على كرسي لاصق فيه ما يتحركش …وما يعمل في شي ….
زدت قربتلو ..ثبتت فيه ..نلقاه موش نورمال ..راهو :
قعد يغزرلي
قعد يقحرلي
قعد يهدرز معايا
قعد يقمر فيا
قعد يمرج فيا
قعد يتلوعب عليا
قعد يمرمد فيا
قعد يستنا فيا
قعد يتفافا عليا
قعد يشوش عليا
قعد يبربش عليا
قعد يسقسي عليا
قعد يتنومس عليا
قعد يتسومم عليا
قعد ينقرز عليا
غريبة …عمل معايا الشي هاذا الكل وهو قاعد …مالا كان جا واقف اش يعمل فيا ؟؟؟

Facebook Comments
FacebookTwitterGmailLinkedIn