كــــلمـــة وحـــدة …

اش معناها …؟

بقلم: هشام درويش
اسمعوني …”كلمة وحدة…” نقولهالكم
وكلمة مع كلمة يوليو كلمتين اخوات ..
وكلمة اليوم : اش معناها …؟
اش معناها نشوفو العوج ومانتكلموش …؟
اش معناها نشوفو العوج ونسكتو وما نعبروش …؟
اش معناها يلزوك باش تعمل الغلط وتدوبل على اليمين وما تزمرلوش …؟
اش معناها توقف تاكسيست ويقلك ماكش في ثنيتي …بربي سامحني هاذا ما تعاركوش؟
اش معناها تاكسيست يقلك منين تحب نجيبو؟ هاذا عندو بارمي والا موش …؟
اش معناها الشنقال يهز كرهبة يكسرها ويمشيها طروف …؟
ومن شيرة اخرى …
اش معناها كل يوم نراو طفل يبيع في البابياي موشوار في الضو الاحمر …؟
اش معناها كل يوم نراو طفل صغير في حملة مرا تتسول بيه في الشارع…؟
اش معناها كل يوم نسمعو ببنات على صغر سنهم يخدمو في الديار …؟
اش يلزمنا نعملو باش نمنعوهم…؟
الى متى باش نقول اش معناها…؟
لازم يجي نهار ونعرف اش معناها …
على خاطر اذا عرفناها …عرفنا دواها …
وفي كلمة وحدة : اذا عرفنا السبب يوفا السؤال ويوفا والعجب …

حكم وامثال عالمية بالدارجة التونسية

حكمة اليوم

“حطو يديكم في يدين بعضكم : كان توحدنا ربحنا.. وكان تفرقنا خسرنا…”
جون ديكنز

Facebook Comments
FacebookTwitterGmailLinkedIn